Trajnim Tiranë

Trajnimi i zhvilluar në kuadër të projektit: “Parandalimi dhe Riintegrimi i Sigurt: Qasje Holistike dhe Qëndrueshmëri ndaj Ekstremizmit të Dhunshëm”, implementuar nga Instituti Adriapol, me Lead Partner Terre des Hommes Shqipëri. Projekt ky i financuar nga The Global Community Engagement and Resilience Fund (GCERF)”

Në trajnimin e zhvilluar nga Dr. Adriana Qafa me tematikë “Ndërgjegjësimi dhe edukimi mbi rrezikun e ekstremizmit të dhunshëm në shkollë.” U trajntuan çështje të tilla si çfarë është estremizmi i dhunshëm dhe kuptimi i këtij koncepti, cili është dallimi me konceptet e tjera si terrorizmi, radikalizmi apo qëndrueshmëria. Trajnimi vijoi më tej në identifikimin e faktorëve shtytës dhe tërheqës së estremizmit, për të kuptuar se nga lind dhe si ndikohen fëmijët duke u nxitur kështu drejt ektremizmit të dhunshëm.

Ne trajnim u trajtua gjithashtu edhe roli i arsimit në krijimin e kushteve që ndërtojnë mbrojtjen, brenda nxënësve, kundër ekstremizmit të dhunshëm dhe forcojnë angazhimin e tyre ndaj jodhunës dhe paqes. Ndër qëllimet Trajnimit Ekstremizmit të Dhunshëm mund të përmendim:

• Forcimi i koordinimit, bashkëpunimit dhe partneritetit në nivel lokal, kombëtar dhe ndërkombëtar, ndërmjet agjencive qeveritare, organizatave joqeveritare, sektorit privat, komuniteteve fetare dhe mediave, në identifikimin dhe zbatimin e ndërhyrjeve efektive;
• Inkurajimi i hulumtimit vendor si mjet për të kuptuar kushtet, faktorët dhe shkaqet që nxisin radikalizimin që mund të kalojë në dhunë dhe qëndresën e komunitetit ndaj ekstremizmit të dhunshëm;
• Forcimi i qëndresës së komunitetit dhe zvogëlimi i tërheqjes ndaj radikalizimit dhe ekstremizmit të dhunshëm nëpërmjet programeve dhe politikave të arsimit, punësimit dhe parandalimit nga policia në komunitet;
• Ulja e ndikimit të propagandës ekstremiste në rrjetet sociale dhe rekrutimit në internet, duke shfrytëzuar mediat sociale si kanale të komunikimit për të promovuar narrativa alternative dhe mesazhe pozitive.

Trajnimi me tematikë “Edukim në ndërtimin e strategjive për menaxhimin e rasteve kundër ekstremizmit të dhunshëm” u zhvillua nga trajnues Dr. Mirela Karabina, ky trajnim u fokusua më shumë rreth trajtimit të rasteve praktike, eksperiencave të ndryshme që kanë patur drejtorë, mësues dhe psikolog të shkollave në trajntimin e rasteve të ndryshme të vështira në institucionet e tyre. Synimi kryesor i trajnimit ishte: “Ndihma për drejtuesit arsimorë, mësuesit dhe stafin psiko-social të sistemit arsimor të kuptojnë rolin e tyre dhe rëndësinë e programeve edukuese për të ndihmuar të rinjtë ti rezistojnë propagandës së ekstremizimit dhe të rinjve të rikthyer nga zonat e konfliktit për t’u kthyer në normalitet.” Trajnimi u fokusua në: rolin e shkollës gjithëpërfshirëse në edukimin e nxënësve të ardhur nga mjedise dhune dhe ekstremiste; hartimi dhe zhvillimi i një strategjie vepruese, teknikave të përshtatshme nga ana profesionale për të trajtuar ankthi, traumën, dhunën fizike dhe psikologjike, mungesën  e socializimit të fëmijëvë të kthyer nga zona lufte; hartimin e një strategjie ndërhyrese në mbështetje të fëmijëve; identifikimi i masave parandaluese dhe mbështetëse në studimin e rasteve konkrete.

Trajnimi në qytetin e Tiranës ishte i ngjashëm në specifikat me qytetin e Durrësit, drejtorët e shkollave ishin në dijeni të ekstremizmit të dhunshëm dhe kishin ndjekur edhe më parë trajnime për këtë temë. Kanë qenë të shumta rastet që janë diskutuar me drejtorët e shkollave të Tiranës, një nga drejtoret e shkollave ndau me ne një histori të një nxënësi të prirur ndaj dhunës dhe mënyrën se si ajo e trajtoi këtë rast. Drejtoresha e shkollës kishte vënë re tipare agresive dhe sjellje të dhunshme ndaj njërit prej nxënësve të saj, veprimi i parë që kishte bërë drejtoresha ishte të fliste me nxënësin për të komunikuar me të në një bisedë të lirë, nga biseda drejtori i shkollës kishte evidentuar se nxënësi ishte i prirur për akte dhune, madje shqetësues për të ishte fakti që studenti kishte pranuar se nga aktet e dhunës merrte kënaqësi. Më pas drejtoresha e shkollës komunikoi me prindin dhe sfida më e madhe ishte puna që kishte bërë me prindin për të folur dhe komunikuar me fëmijën. Prindi nuk kishte pasur qasje pozitive për trajtimin e fëmijës, për këtë arsye drejtuesja e shkollës kishte njoftuar të gjitha organet përkatëse për trajtimin e rastit duke e komunikuar rastin në ministri. Zgjidhja e arritur ishte trajtimi i fëmijës te një psikolog që vetë fëmija e njeh dhe mund të shprehet dhe sot e kësaj dite rasti po ndiqet.

Në trajnimin e Tiranës u vu re se kishte disa situata të trajtimit të rasteve të dhunës dhe traumave të formave të ndryshme dhe mësuesit dhe drejtorët e shkollave e konsiderojnë si shumë të rëndësishme përfshirjen e institucioneve përkatëse arsimore në trajtimin e këtyre rasteve dhe konkretisht trajtimin dhe sensibilizimin e prindërve si element kyç i trajtimit të fëmijës.